Memani Prose & Poetry
(by Abdur Razzak Thaplawala)

•     Gulistan-e-Saddi in Memani

•    Short Stories in Memani

  •  Meman Biradri Ne Leadership

  •  Sanjeeda Pagal

   

•    Motiyan Jee Mala in Memani

•    Memani Kavita

•    Memani Proverbs

 

 

Short-Stories in Memani
(Roman Script)

 

 

MEMAN BIRADRI NE LEADERSHIP

Panji Biradri jee hee badkismati aae ke pan wate koe akro Leader naae. Hin jo kuro karan aae ? Hee sawal jo jawab bahoo mushkil aae. Shayad panji biradri jee hee fitrat aae ke pan koi akre fard ke Leader banan lae tayyar nee yhoon. Panji biradri jo har sakhs hee samjhey to ke paan badhe barabar yun ne koi bhee biae sakhs si bartar naae. Iqbal Motlani Saheb jee Kitab “Panjee Boli Mein” main akri bahooj dilchasp hikayat aae. Jara hin hikayat mathe socho ne wichar karo.

Akre Raja  jee riyasat mey akro ahro gaam wo jin-mein Memon biradari jee aksariyat vee. Raja faislo kari ke uun gaam jo patel kok Memon ke banainu khapay, ta key uu pooray gaam jee theek theek aagiwani kari sigey. Raja Wazir key hukum dini – ke hin gaam jey wadey wadey Memon vepari, ne khas khas marwain key daawat di ne Mehal mein barkayan mein acche ne akri raat Mahal mein rakhi ne beeye dheen Raja thee mulakat karain mein ache. Mehmaanan ke Mehal mey raat guzaran laey akro wado kamro deen mey aviyo. Memon Bha kamrey mey pugya, tao hi nari ney hairan thi wiya ke kamrey je wich mey khali akro manjo (Charpai) aae, ne baqi pathariyu zameen te vichan me aviyu aeen. Ee to ghamgheer samsiya thee vee … Ghaffar Bha mathey suman to Shakoor Bha neeche keen suman ? Sattar Bha key manjo deen mey achey, to Qasoo Bha key Kharab lagno …..; Paan mey to badhey Haji ne Moazez aeen …  harean panjo theeno kuro … ?

Adh raat sudhi soch vichar kari ne Memon bha akrey faisly tey pugya key hin manjhey mathey koi akrey jo haq naey – aitry paan badhai zameen tey ahrey tareeqey sey sumi vinjey ke badhey jaa pug manjhey mathey hoon ta key badhey jo maan rai viney.

Sawaar jo Wazir achi ney nari to chakrai viyo ke hee kuro …? Manjhey mathey koi  nae sutto balkey Manjhey mathey pag rakhan ji koshish mey badhai bey araami ji nindhar sutta aaen.

Mehmanan  ke jagaan je badley , Wazir Rja  wattey vini ney haqiqat batari – etrey Raja panji biradari ke mulaqat kare vigar pacho mokli dini.

 Pachee hin gaam jey Hindu banye ke barkan mey aviyo. Wazir unan jey saath bhi heej sulook kari, ne sawar mey vini ne nari to badhai araam se zameen tey sutta va, ne akro, waddi umer jo maru manjhey je mathey araam kari reo vo.

Wazir samjhi viyo ke Manjhey mathey jo maro sutto aae hin key baqi badhai Leader tariqey kabool kari ginya aaen. Wazir Raja ke khabar kari dini, ne Badhsha mehmanan si mulaqat kari ne unye jey Leader ke gaam jo Patel banai dini – jadhey ke hun gaam mey aksariyat Memon biradari ji vee.

(Iqbal Motlani jee kitab Panji Boli jay shukaria jay saath)

HIN KAHANI SEE KURO MATLAB NIKRE TO ? PANJI BIRADRI KE HIN MATHE VICHAR KARIO KHAPE.

top

SANJEEDA PAGAL

Pagal Khaney jo Doctor navey mareezey ke nari riyo vo. Akro pagal un-key sidho nazar avo. Doctor un-key puchee  ke to-ke ida kure lae gini awya heen. Tu ta theek Lagen To.

Pagal jawab dini , “Janab aau bilkul theek yaan, dar asal thio hee ke aaun akri bairee se shadee karum jin jee akri 18 saal jee chokri bhi vee. itefaaq se hu chokri mijhey bapa key pasand achi vee ne hu un-se nikah kari gini. hun deen se mijhee bairee mejhey bapa jee sus bani vee. Thorey arsey baad mijhee bapa jeee bairee key bacho peada theyo. Hee bacho rishtey je lehaz se mijoo bha theo, kulae-ke uo mijhee bapa  jo chokro  Wo. Magar udda mijhee  bairee  jo navaso bhi theo. Yanee key aaun pote jey bha jo nana bani viyoe. Thore arsey je baad mijhey gharey bhi bacho paida theo. Hun deen se mijhey bapa ji bairee mijhe soteley bha jee bhain thee vee magar hu hunjee dadi bhi thee vee kurey-lai-ke  hun jo gharwaroo yanee mijho bapa mijhe putar ja dada theen hin lehaz se mijho bacho pote jee dadi jo bha bani viyo.

Harey doctor zara socho ke mijhee sotelee maa yanee mijhee bairee jee chokri mijhey bachey jee bhain thee vee ta mijhoo putar mijhoo mamoo bani viyo ne aau hinjo bhanjo jadhey ke aaun hun jo nana bhi yaa ne mijhey bapa jo chokro jo mijhee bairee jee chokri jo chokro aaey hu mijhoo bha bhee ne nawasoo ……

Hetro surnu vo ke doctor pote ja hath se potey jo matho pakri ne cheekh mari ke “Bas kar khuda je laae bas kar, varna aaun pagal thee winnoy”

                                                                                    (M. Aslam  Samla)

top