MEMONI JEE MAHFIL

                                                                                                By : M. Aslam Saamla

May'07

GULISTAN-E-SAADI

KAFUN

Akray Badshah jee Mehbooba mari vee ta Badshah hunkey reshmi kufun pahraee. Thoray arsey baad jadhay Badshah hunjee qabur tay viyo ta naree key keera hun kafun key chati viya va.

Marun jay baad Insaan mitti meiN mili ney bilqul matti thee viney to. Murday jo kafun maamuli hoe ya reshmi, qabur boe key tar tar kari diye tee ney murday key keera khae vinun ta. Hinjay laae naik amaal saij hinjo hul karnu khapey.

MOTIYAN JEE MALA

• Ehmuq moqo talaash karey to ne aqulmund moqo khud nikarey to.

• Naiki karnu chayyo ta, mout sey pehley karo.

• Kamyabi unkey miley tee jo kamyabi tey yaqeen rakhun ta

• Khaamoshi gussey jo behtareen ilaaj aae.

• Dushman sey khatarnaaq hu aae jo dost bani ney dunk marey.

• Dil jee akh ibaadut saij khuley tee.

• Budqismut maroo hu aae jo koe jey dil meiN jagha natho banae sighey.

• Potay jay ghur jee dewaar ehtri uchee na rakho key aaenjey parosee jee hawa ruki viney.

• Ilm daulat say behtur aae. Aaen daulat jee hifazut karo ta ne ilm aaenjee hifazut karey to.

• Aqalmund jee pehchaan gussey jey waqt thiye tee.

• Chaand jey bagair raat bekaar aae ney ilm jey bagair zehun.

• Ehsaan karun sey dushmun bhee dost bani viney to.

• Mot akro ehro darwazo aae jin meiN sey hur koi key guzarnoo khapey to.

• Khoobsoorti libaas sey ney balkey Ilm sey thiye tee.

• Aaenjee her galtee koe na koe sabuq diye tee.

• Aaen khud naikee karo lekin dushmun sey naikee jee umeed na rakho.

• Allah jey nazdeek badhey sey saari ghaal maaN ney Pey jee khidmut aae.

• Ilm ehro badul aae jinsey hamesha rehmut versey tee.

Gor karo

• Maroo beemari jay khof sey khainu chadi deen ta lekin khuda jey azaab jey khof sey gunha  natha chadun.

• Aaenjee har gultee koe na koe sabaq diyey tee.

YAAD RAKHO

• Mohobut karo sachai jey saath.

• Bharoso karo yaqeen jey saath.

• Waaydo karo imaandari jey saath

• Kum karo sabar jey saath.

MEMONI LATEEFA

• Bus meiN akro musafir biye musafir kay puchee key aaenjee umer kitri aae ? Hu biyo musafir choee ke 33 saal. Pehlo musafir chuee ke hin umer meiN ta aaeN pote jay paghay tey ubha thee viya huna ? meherbani kari ney mijhay pugh mathay sey utri vino.
  
  

• Shadi jey thoray arsey baad akri bayree potay jey shohur key chuee key tokey yaad aae jadhay paNjee shaadi thee huee ta aaoN akro ghunto khamosh rhee vees. Shohur chuee kuray lae na, hooj ta mijhi zindagi jo khoob- soorut lamho ho.

(Edited by ART)