REPORT

MUMBAI MEIN WORLD MEMON ORGANIZATION JEE PAANCHVI MEETING JO HAAL

Mumbai meiN World Memon Organization (WMO) jee Paanchvi meeting 25 si 27 March, 2005 sudhi thee vee. Meeting jo bandobast WMO India Chapter kari vee. BadheiN tayyariyooN India ja Janab Farooq Sodagar karya va. 29 delegates mukhtalif desh see ney India sey 400 delegates avya va.

Widesh si jo pertinidhi avya va ooh Mumbai ji hotel meiN rukya vah ane India ja pertinidhi Mumbi  Haj House meiN rukya vah jinjoh pooro igyarvoNh malo badhey te ginaa rooNh voh.

Widesh ja pertinidhi India jiyoNh gharyooN jagayooN naryaa. Inn silsile meiN maqaami Memon jamatoo Banglore, Hyderabad , Rajkot ane Upleta meiN program karyaNh vah.

Wideshi pertinidhi laae WMO sawaagat committee peramukh Janab Mohammad Farooq Darvesh ane inyeh jab ha Janab Hussain Darvesh, Janab Ibrahim Darvesh ane Janab Shehzad Darvesh 24 March, 2005  jo shandar dinner ji daavat karya va. Janab Abdul Razzaq Allana ane Janab Irfan Allana 24^th March, 2005 jo Jumme jee Namaz jay baad Lunch ji daavat karya va.

Oojh deeNh sanjeehjo 4 vajey WMO jee management board jee meeting Taja Mahal Hotel meiN thee vee. Pertinidhi Tata Natak Ghar meiN hakro dramoo naryaa ane raat jay vaddey khavey meiN jin meiN 1000 maaro vah hun meiN shaamil thiya.